مساكم الله بالخير
قالوا تقول المستحيل اقدر انساك
لا والله الا صار فرقاك عادي
وأبرك ليالي عشتها عقب فرقاك
حسب اعتقادك غير حسب اعتقادي
هم الليالي والسهر راح وياك
انت البلا وانت الجلا والنكادي
وسواس احبك واعشقك وتمناك
وشلون مدري صرت غاية مرادي
كنت احسب انك صادقٍ في نوياك
قلبي سوات الشاش مابه سوادي
ياهيه ذولا علموا فيك ذولاك
واسمك تعلا شهرته فالنوادي
مارداك ماردا من يسوي سواياك
اصبح وجودك ماش والحظ رادي
عاد الحقيقه صارلي يوم فرقاك
من خيرة الأيام علمن وكادي
تندم مع الأيام كان الله أحياك
عل وعسا يهديك رب العبادي
وانا اتمناء توبتك ماتمناك
مدري عشان الدين ولا المبادئ
وختامها من خيرة الوقت فرقاك
عقبك هنالي ذوق شربي وزادي