مساحة الصدر ما تاسع مشاكـل غـلاك =معاد عندى على حمـل المقابيـل حيـل
تفضل الصبر والذكرى وزحمـة شقـاك =اسمحلى اودعـك حلـم الامانـى قتيـل
حاولت ادور عذر يستر ملامـح خطـاك =لقيتـك ألفيـن زلـه مالقيتـك جمـيـل
اكبر بنود الخطا تخطـى ودور رضـاك =شف كم ذنب ارتكبتـه والخناجـر دليـل
تعبت ألمك شقـا ودمـح بـوادر جفـاك =حتى القلم طاح من جمر المعانـى عليـل
خلاصة الامر سيرة وانتهت فـى سمـاك =وانت اعتبرنى لفيتك ضيف عابر سبيـل
اللى بقالك معـى واللـى بقالـى معـاك =فنجال ذكرى تقهوااه العطـش بالرحيـل
لو انكسر من قساة البـرد مبغـى دفـاك =والضلع لا ذعذعت ريح الجفـا مايميـل
ماهو صحيح الزمن من دون وصلك هلاك =الوقت عن طعنة الاحباب ماهـو بخيـل
لو الزمن مـا ينسينـى خناجـر غـلاك =ما شفتنى طحـت قـدام الليالـى دخيـل