ألا يالله اللي مهلك.ن أبرهه و الفيل = وكرسي جلالك فوق سبع السماوااتي
لك الحمد و التسبيح و الشكر و التهليل = تفرج كرب نفسي و تنزاح ضيقااتي
أنا اليوم زامي صبح و باجر دوامي ليل = ولا فيه حيلة تنقض المستحيلااتي
هموم و هواجيس و متاعب و ضيق و ويل = لا طلعة ولا تأخير ولا فيه اجازااتي
حراسات وابراج و طواري تفل الحيل = ولا فادني معهم نظافة ملفااتي
أكوسر لحون الشعر مابين حط و شيل = وأسرح مع الهاجس بروس المنيفااتي
على شان من له شان عندي وله تفضيل = غلاه أولوياتي وجل أهتمامااتي
أحبه ولو يسقيني المر بن و هيل = مع بهجتي تصبح سوات السراوااتي
مثل ما الصقاقير أتباشر بـ شوف سهيل = جميع الجوارح به تسوق البشارااتي
عليه الوصوف النادره تفرقه عن جيل = وعلى شاطي عيونه قوارب طموحااتي
يامن غلاك أجتاح قلبي بـ جيش و خيل = فـداك العنا وأرجو تقبل تحيااتي