ياوطنـا بحـرك الـدر ورمـالـك ورود=
يامعودنا علـى العـز والعيـش الرغيـد
المشاعر فـي محبتـك ماجاهـا بـرود=
والقصايد فـي محبتـك مبداهـا جديـد
والمعاني في محبتـك ماتنقـص تـزود=
انت تزهابك جميـع المعانـي والقصيـد
القصيد اللي عن الدار واجـب وامحمـود=
ولايوّفي حقها الشعـر والحـان النشيـد
الولا للدار مـن طبـع موفيـن الوعـود=
والعطا للدار طبـعٍ علـى الدنيـا حميـد
لك ولانا يا وطنـا عـن حـدودك نـذود=
لادعى الواجب معـك لانصـد ولانحيـد
تحت حكم اخوان مريم عريبيـن الجـدود=
شيوخنا دايم على العز والـراي السديـد
دايما فـي كـل محفـل تقدرنـا الوفـود=
بالرخا والا على الصعب والوقت الشديـد
ياكويت الخير ماظـن مثلـك بالوجـود=
ديرةٍ بالمجـد والخيـر منهجهـا فريـد
كل منكـوبٍ ومحتـاج تعطينـه بجـود=
وكل شعب الارض يادار بافضالك يشيـد
لـو بعددهـا مزايـاك ماتكفـي البنـود=
ماحصيت افضالها من قريب ومن بعيـد
النظام ومنهج العدل في اربوعـك يسـود=
وكل شعبك من مزايـاك هـذي يستفيـد
مايهزك غدر جاحـد وحنـا لـك جنـود=
ولايزعزك اهل الجهـل والعقـل البليـد
شعبك اللي حزة الصاملة ماهـو شـرود=
دونك الاعمار ترخـص وغاليهـا زهيـد
المعارك دون عزك على امجادك شهـود=
كم على ارضك من عيالك جرى دمه شهيد
الحرس والجيش والداخلية فـي صمـود=
عند واجبهم معك ياوطن فـي مـا تريـد
كلنا بالروح من قلب واحـد لـك نجـود=
حبنا لك من صغرنا جرى مجرى الوريـد
يابلادي بالمعـزة ومجـدك فـي صعـود=
بالعطا والخيـر والعـز تاريخـك مجيـد