اسمع كلامي يافهد بين قوسيـن = حنا نبيـع ونشتـري فالحلالـي
والبارحه مابين همـي ومابيـن = طرت علي هموم سود الليالـي
وطرى علي الزين يالعنبو الزين = اللي جماله فوق كـل حتمالـي
اللي غلاه بداخل القلب والعيـن = واللي على شانه كربنا الحبالـي
انشهد انك فوق كـل الميازيـن = حطمت رقمن ماله اول وتالـي
اقرى عقب فرقاك كل العناوين = وتشوف عينك يارهيف الدلالـي
الحال قشرى والليالي بها البيـن = والموت قدمي ياعزيز الجلالي
عزالله اني منك مجروح جرحين = روح الخيانه والفراق الموالـي
لاكن عقب مارحت باقول بيتين = يوم الرجال اليوم ترقى الطوالي
انكانها جتني على الراس والعين = ليشوف قدره دايمـن فالعوالـي
وانكانها راحت مع الزين والشين = انا ترى قبله مفارق لي غالـي
وخذ الوعد يابو عوض (للوفين) = انـي لوجـه دايمـن لشمالـي