((( الوفاء )))
مراسيل الشعر تجذب هواها=رسومٍ والمعانى من وراها
جزلت القاف فى رتب القصايد=بحوراٍ ماتوقف فى مداها
كتبت امن القصايد والمعانى=مواضيعٍ تعجب الى قراها
انا بشرح مواضيع القضيه=عن احوال البشر والى خفاها
تصيح القدس من ضيم الليالى=وحال اهل الوطن شلى بلاها
نشوف اموجز الأخبار بلوه=ولا نعرف وش الخافى رداها
قضيتنا ترى ماهى بسيطه=وجميع الناس تبكى من شقاها
عوايل يتمت لجل الحجاره=وبيوتٍ دمرت تخفى وطاها
الا ياشعب صامت فى زمانه=مصايب هالفتن تروى ضماها
خفايا الناس ماندرى اشبلاها=من الى صابها والى عناها
علومٍ ماتدير ابها الحقيقه=وكلٍ ماشيا يرضى هواها
جروحٍ صامده فينا قديمه=تعبنا الوقت ماشفنا دواها
من اجل القدس نرخص كل غالى=رخصنا وكل مانملك فداها
ترى الشجعان ماتتركك لحظه=لابد ابيوم يشرقنا سماها
تحملنا هموم الوقت معكم=ولازلنا نعيش ابحر ماها
ترى التاريخ ماينسى المواقف=انفوسٍ قدمت بالى معاها
دعانا واجبٍ بالوقت وقمنا=شجاعه ماندور فى عطاها
ودول مجلس تعاون فى وعدها=رجالٍ بالكرم يشهد وفاها
نعم برجال شجعان الجزيره=حمو ارض الخليجى من عداها
شيوخا فى مواقفهم شجاعه=سعد عينا تذرا فى حماها
نعم لاقلت فى عز العروبه=اجبالٍ ياصعب منهو رقاها
ترى ياقدس ماننسى جروحك=لابد ابيوم تنور فى ضواها
علينا الصبر والائيمان بالله=تعود القدس حق الى بقاها