ضريت في قلبي لك ايـام وسنيـن =وودعت في قلبـي ثمانيـن شفـره
دخلت قلبي وان فتحلـك عناويـن = وتركتني والحـال غبـره وقشـره
بكيت من فرقاك واسهرتلـك عيـن = وليا ذكرتك تخنـق العيـن عبـره
دامك نويت تروح بعطيـك حليـن = وحاول تنقـا بيـن خيـره وشـره
الاوله فـارق ولا تشـوف العيـن = وحاول تناسانا ولـو حيـن فتـره
والثانيه بعطيك جمله عسى تزيـن = خلك تغظـى كـل يومـن بستـره
طعنتني طعنه من الخلـف يازيـن = وذبحتنـي لاكـن موتـي بغـدره
تخون وترجع ثـم اتقـول مسكيـن = وانا اصـدق وادري انـي بعـذره
تدري شسوي لاذكرتك انا الحيـن = يشّتب فـي قلبـي ثمانيـن جمـره
ابشرك عقبـك اقـوس الموازيـن = واعرف عروق القلب واعرف مقره
لقيتلـي خلـن يسـوق المـزايـن = خلن على وضـح النقـى مايغـره
ابشرك عقبـك اقـوس الموازيـن = واعرف عروق القلب واعرف مقره