للشاعر :فهدبن جافور رحمة الله عليه في معركة نقير1929م.
بادين بالله ولا غيره البادي يصــير = واذكر الله واشكره عد ما رفرف وطار
السلام اثنيه للورع واخص الكبـير = لأهل العوجا مواكر صواريم الحــرار
بشر المقرن وكزوا لابو تركي بشـير = البيارق سند له وعدوانــه دمــار
استوى يوم عبوس على جوبة نقـير = قبل نور الصبح ينباج لي وسـط النهار
وامطرت فوقه امزون مطرها حشر طير = وبلها مثل البرد والهوا لاهوب نــار
ماوطا سيله تعشاه دالوبـه ضريــر = ماخلق مثله بالاكوان بالدنيا وصــار
وردوا على العوازم وردوهم صديـر = صدروا من شوبة الملح قصاف العمـار
خابرين افعول ربعي امعطشت الذخير = من على عصر الفتيل المعقل ما يــزار
المعقل عنده الموت طـيره مايطــير = شايط باطرافه الموت شيطات العشـار
كن جضع الزلم بنحورهم مثل الهصـير = من مضاريب المشوك وبالشرف القصار
حلة وامعقل الراس الكبير = كلبوهن عند ربعي على وضح النهـار
أوقدوا فيهم بالأحراق يا مطفي السعير = لين عافوا من طمع لابتي والكل نــار
بشروا سبع الخلا والطيور اللي تطـير = العشاء في جوبة نقير ودوهم خبــار
قد كسرنا جمع يومه صغـير = وقبل جمعه جمع قد جاكم خبار
جعل ربعي بالملاقى لهـم حظ كبـير = جمعهم يركض على الموت ياجاله شـرار
ربعي العطوان عز الضعيف والقصـير= ومن نهق فسقان حطوا برجليه الهجـار
لين يرغي عندهم ثاوين عقب الهديـر = اليا حصله ينطلق همل الفتنه ونـــار
يوم جونا بالملاقى وجيناهـم نسـير = لين ذوب مقدم جموعهم ضرب القـرار
في رجا الله ثم عبدالعزيز انـه يغـير = عند طيحات التشاريـع من دار لــدار
صار للديرة وأهلها وما فيها صريـر = من وحم عبد العزيز ابو تركي يوم ثـار
نادر العقبان لوما بمخلاب ضريــر = خمرت منه الحبــاري اليا نهض وطـار
سيف ماص شذرته ما يوقيها الجفير = ما يباع ولا تمـده يمينــك لليســار
لولا بالحكام حبس وحيـل بصـير = شاخ في كل الجـزيره وما خذها جهـار
دولته من عقب يمناه ماتاخذ قصـير = ماتبي غير أبو تركي من العربان جــار
ماشي درب المطاعه وعينـه للفقـير = جعل ربي ينصره عد ما يمـم وســـار
ودي اني غب كوني وأنا عندي بشير = مير لاعندي مطية ولاادركت المطــار
يوم تمت هللوا كلكم والذكر أخـير = خاتمة قيلي صلاة على سيـد البشــار