الشوق فيني يزيـد ويعقـد احجاجـه=وظروفنا القاسيـه والبعـد وافعالـك
الليل برد الشعور ..وشعري انتاجـه=والشعر من دون وصلك صار متهالك
والفكره اللي براسي تطلـب الحاجـه=ماظن تكمل سوا لا شفـت مرسالـك
لولا الوصل ما عرفت الجرح واعلاجه=ياللي اهتمامك معي يفرق عن اهمالك
رجلي بدرب الجفـا ماهيـب دواجـه=وانت تعرفني مثل ما تعـرف ظلالـك
قلبي معك ما طلب من ضيقه إفراجـه=والضيقه اللي بقلبي تطلب إوصالـك
قلبي تعرفه شبيـه البحـر وامواجـه=يشيل كل الهموم اللـي علـى بالـك
ياللي العتب من غيابك طافي اسراجه=مساحة الحـب فينـي ملكـك لحالـك
الشعر في غيبتـك مانيـب محتاجـه=لأن الشعر ما شرب بالوصل فنجالـك
ولو غبت عني لابـد بيـوم نتواجـه=في كل عيد ٍ يجينا واعرف أحوالـك
.. بــــرد الــشــعــور ..
( تقرير عن مشاركة مخالفة ) ، و الموجودة أسفل كل مشاركة .