يابـن دهيـم فـوح كبـدي عقـب فرقـا الزيـن فـوح البـن فـي صفـر الـدلال وانـا اشهـد ان الوقـت عيٌـا والامـور استصعـبـت=لـولاي مـا اعَـرف ان هـذي هـي نهـايـة كــل حــب خـطـرٍ عـلـيْ مــن الجـنـون الله عـلـى ســود اللـيـال وحكمـهـا واقـدارهـا
****
هب الهوى غرب وتذكر خافقي ما فات له والدمع يا مشكاي سال والصدر ضاقت به سما الدنيا والاخلاق اخربت=وامسـيـت اقـلـب حيلـتـي واصـفٌــق ايـديــن الـنـدامـه والـطــواري والـضـنـون مـــا فارقـتـنـي لـيــن نـــور الـصـبـح شـــق اسـتـارهـا
****
مـن يـوم مـا وقتـي خذانـي عـن لطيـف الـروح لا تسـأل عـن الحـال وتسـال يكفيـك بـوح الشاعـر وقريحتـه فيمـا اكتـبـت=شـــرواك مـــا يـخـفـاه رمـــز ولا يـمــره مـثــل مــــا مــــر الــكــرام الـمـكـرمـون وشــعــاد لــــو بـيـحــت ســــد الـغـامـضـه واســرارهــا
****
مـا هانـت الدعـوه ولا ودي لكـنْ مـا صـار صـار ولابقـى فيـهـا مـجـال مكـتـوب نفـسـي تـصـدف الـلـي مــا بغـتْـه ورتـبـت=لعـلـهـا خـيــره يـابــو فـالــح كــــذا جــــدواي اقــــول وطـلـبــت الــخــلاٌق عــــون عــــلاٌم مــــا تـخـفـيـه هــــوج امـواجـهــا وابـحـارهــا
****
الصبر سيْد موقف وشيخ السجايا كـل حيـن والعقـل معيـار الرجـال والنفـس تِتِعـب مـن يحاضيهـا ويطلـب مـا اطلبـت=والوقـت مـا يصفـى كـذا طبعـه وهـذا مـا اتضـح لـي والامـل مهـمـا يـخـون لابــد مــا يـصـدق وتـصـدق حجـتـه واعـذارهـا
****
والـحـب بـلــوى والـمـفـارق ســـم خـطــر انـــه يـمـيـت ولا دواه الا الـوصــال والا المـسـافـه مـــا تـعــوق انْ ابـعــدت والا اقـربــت=والشوق نار وهرجت الواشي وضحكات العذول اقسى من آلام الطعون يالله عسـى المجمـول بيـن ورودهـا وازهارهـا
****