ترجع وتوك قبـل يوميـن تاركنـي=كلك نـدم شيلتـك بالدمـع مبتلـه
قبلت لي مرتبك ولا انـت تربكنـي=تخاف عقب الخطا مدمح لك الزلـه
تروح لكن قبـل ماتـروح تدركنـي=ماكـان ودك تزيـد القلـب وتعلـه
تموت غيره إذا غيـرك يشاركنـي=وتهاب لأزعل ولا ارضـى أبـد لله
لا والـذي رجعـك زعـلان لكنـي=جبرني قلب(ن) تناسى ماحصل كله
حتى اللي شككك لاتحسبه شككنـي=قل له تبيني وغيري ماتبي قل لـه
دنياك تضحك إذا تضحك وضحكنـي=واحذر اشوفك مع غيري وتضحك له
لك الغلا و الرضـا مـدام تملكنـي=دربك احبـه ودرب الغيـر مادلـه
واشتقت لك لين صرت اليوم انا كني=في زحمة الناس أم(ن) ضيعت طفله
خذها صراحه ترا لورحت تاركنـي=بروح قيس(ن) جديد انجن في خلـه