وش بك تعاتبني مدام انك نويـت الصـد روح=يكفي تزيد الهـرج بسـك لاتزيـده وش تبـي
منت الحبيب اللي عرفته ياخساره لي نصـوح=اثرك على درب الهـوى ودك تغـش وتلعبـي
كنت الغلا.. كنت الامل.. كنت الدوا لي لجروح=واليوم منتـه غايتـي ..ولا هـواي ومطلبـي
صحيح كنت اشفق على شوفتك يوم انك مزوح=وصحيح كانت ضحكتك في مامضى هي مكسبي
ميرك تبور بصاحبك واشواق قلبه لك تفـوح!!=وانا حسبتك صادق(ن)بالـود واثـرك تكذبـي
لاتهظم احقوق الغـلا ولله لتبكـي ثـم تبـوح=ترا الهوا ماهـوب لعبـه يالخفيـف يالظبـي
وتدري وش اللي اكتشفته فيك قبل انك تروح؟؟=ماعندك اخلاص و وفا وزودن على هذا غبـي