لصار ربك ما كتب لك وحبيت=اسجد لربك واحمده يوم فكك
للحين عايش حي.. ماتعتبر ميت=في ثوب حيٍ مستريبٍ مشكك
ما تعرف العبرات ولا التناهيت=ولا هجوسٍ عن منامك يدكك
مرتاح بال وفي حياتك تهنيت=ما تحس في شيٍ بصدرك يضكك
وشعاد لو صديت او ما توحيت=بكره يجيك اللي يزك ويزكك
لوٌك تمر باللي انا فيه مريت=ما كان همٌك كيف تغيير نكك
لكنٌ هذا ما بغيت وتمنيت=يا باشة بنوك الجنيه المحكك
روٌح وخل القلب كبريت في زيت=عسى دروبك سالكه ما اتصكك
وبكره ليا من قالها الله وحبيت=ادعه.. عسى يدمح خطاك ويفكك