قالوا جديدك قلت ما من ولا بـه=الا على ما قيل خمطـة بويتـات
هلٌت على فكري سوات السحابـه=اللي تلوح بروقها مـن مسافـات
في صاحبٍ غاب وسبايب غيابـه=ضروفه الصعبة.. وزود التزامات
الهاه وقته وانشغـل والتهـا بـه=واشغل عليه البال والهاه مـرات
وابطى جنابه ما بعث لي جوابـه=رغم اني ابعث له سلام وتحيـات
والبارحة لفى المنام ولفـى بـه=يسوق عذره عقب طول القطاعات
يقول قلبـك مـا نويـت بعذابـه=واقول فدوه يا حياتي.. سهـالات
شوفتك يالمضنون تبري صوابـه=ولها بعد قدرة تنسيـه مـا فـات
البعد مهما طال.. ما يِنتهـى بـه=والشوق نارٍ ترٌث العين عبـرات
والحب ذنبٍ ما استطعت اجتنابـه=يغفر لي اللي فوق سبع السموات