سلام يا اهل المرجله و الشعر والدر النفيس= تسليمة(ن)يا اهل الوفا نتعب ويرفع شانها
من هاجس(ن)يلعب فخر دايم يقيس البحر قيس= الياضرب وسط البحور ايجيب من مرجانها
يجيب علمه فالربوع ايراجعه يوم الخميس= ويبني ابيوت الشعر دايم من على سيسانها
هذا زمان العولمه والزيف والوجه النحيس= ومسلسلات(ن)للضياع اليوم جا عنوانها
كيف ان عنوانه ضياع وصار للقمه رئيس= غزون لفانا في طريقه راقصا شيطانها
هذا تراه اشد بتأ ثير من حرب الوطيس=حرب(ن)تدش ابيوت و تقلط على ديوانها
لافيه جمرك يمنعه ولافيه منع من البوليس= مخيلة(ن) يا اهل المعرفه صاملا ودانها
دورك خلص يا البرتقاله وبتديتي يا لميس= الناس من سبة لميس امطلقه نسوانها
المشكله ماهيب بالتكسي وراع الاوتوبيس=المشكله بالحيه الرقطا تمد السانها
قادم ترى خطين بالقوه بتخطيط(ن) خسيس= تبني فضيحه والفضيحه خانها من خانها
ماهيب مثل اللي مضى ملبوسها عار اللبيس=ممكن تشيل امن السفينه ياعرب ربانها
خطه امن البس الكبير ايوصله لصغر ابسيس= يبا يدمر عالم(ن)دايم ضعيف ايمانها
لكن ولم للحيايا يا بطل شفرة امويس= تقطع بها سم الحيايا دوم مع لحيانها
هذي نصيحه(للعزوبي) والمطلق والعريس=وتشمل على الجنسين والعالم ابوسط اوطانها
هذا ترى رأي وكل دايم ابعقله يقيس= تبا القراده عانها تبى السعاده عانها
هذا كلام (العازمي)سجله بمسلسل لميس= لونها مزيونة(ن)ماهوب من خلانها