بسم الله الرحمن الرحيم
السلام وعليكم ورحمه الله وبركاته
هذي مرثيه لـلمرحـــوم خـآلـي :بدر صايل ثويني الحزيم وابنه فواز رحمهم الله
صلوا على النبي
.
.
.
.
نظمت من منتوج الافكار قيفان
وقفت ادير بيوتها في شطاره...
وفقت انظم من هواجيسي احزان
ومعيّرً قيفان شعري بعياره.....
وهموم صدري كنها ظرب فرسان
شالت وحطت وسط جوفي شراره....
علي اللذي قايد علي صف شجعان
رجل وضع فوق المراجل مناره...
قالوا بدر خالك توفا كحيلان
خذاه رب الكون واصدر قراره....
قلت الله الله يابدر عالي الشان
عزالله انك يالسنافي خساره....
رجل وحقه مايجي دون برهان
ووقت الشجاعه كنه يشن غاره...
والطيب عنده مايجي فيه نقصان
واليا وقف بالحق يثبت قراره.....
معه بعد فواز ما مثله انسان
رجل كريم وفيه طيب ونعاره....
ويامْشاري اسمع كلمتي دون نسيان...
امانة اهلك لا تجيك بعياره....
لاشك بدعيله من الرب غفران
خلاق ما بالكون محصي الحجاره..
في جنة الفردوس تعطيه بستان
وذكره يعيش بكل ليل ونهاره....
بـ قلمـي
دمتو بود