اقبلوها مني كما هي
احيان تجمعنا الصدف واحيان تسرينا الدروب = مثلي مثل موج البحر اللي تسوقـه عاصفـه
بلا هدف امشي وكني بالمشي صرت مغصوب = اللين جت لحظه اشوف الزين وكني عارفـه
لحظه ملكت ابها شمال الارض وياه الجنـوب = تسمرة رجلي وهبت بـي هبـوب العاطفـه
قعدت احسبها وبين في محيـاي الشحـوب = يالعنبو ذاك الشحوب اللي عمـل وضايفـه
من اول (ن) حالف وقلبي عن هواهن يبيتوب = لاشك قلبـي وعرفـه مايستلـذ الكايفـه
تفلسفي ياتجربه دامك علـى راس الذنـوب = الانحـدار ابنـحـدر وبرتـفـع لنايـفـه
لنج بقلبي مابعد ايقنت فـي قلبـي هـروب = بالكذب تلعبها معي والكذب مانـي شايفـه
الله يجمل ذا الشفايف تنطق العذب العـذوب = مخرج ثناياها ذهـب سمعـي ولانـي عايفـه
هبة رياح العاصفه وايقنتها وقـت الغـروب = ان الحلا ساس البـلا وان البـلا وصايفـه
ابني وسافر مع خيالي فكرتـي بنتـن لعـوب = يالعنبو ذاك اللعوب اللـي عمـل وضايفـه