ماتعبت من الطريق اللي خذاني فـي مسـاره = لين جاب الليل باسه وانفرا عهـد الوفـاق
ماعليه كد حسبت ان الهوى ربح وخسـاره = لو يجيب الوقت حكمه ينطقه حكم الفـراق
دام دعواهـا كذيـا مانـي الا بالصـداره = ماني الا بالريـاده وزنهـا ساقـن بسـاق
كنت اول من عرفة وعلمه فـن الشطـاره = والدليل انك نجحتي ما بقا بالكـون ضـاق
انتي حبك للمشاعر نار تسرع في انتشـاره = قمة الاشياء حبك مع خفوقـي النـار لاق
ويش اسوي حبك اللي بادين مثل الشـراره = حوله كومة رماد وللرماد الوصـف فـاق
لامشيتي شفت عندك كل ماتحوي حضـاره = كنها ذا الناس تمشي مـن وراك بأنسيـاق
ولاحكيتي في كلامك شفت في عيونك عباره = جيت كلي مندفع لك في غـرام ٍواشتيـاق
عينك اللي ماخذه في وسط هالزين الامـاره = جعلها للفضخ عينك دام دعواهـا فـراق
لاتصدق هرج شاعر وارفع الحب وشعـاره = واعرف ان الهرج واجد والنفاق اهو النفـاق
لوبطول في كلامي ماخلصنـا واختصـاره = لاتصدق هرج شاعر لو حلف لك بشتيـاق