يالله يامرسي على البيـدا شماريـخ الجبـال=اللي نبيد ولا تبيـد مـن الزمـان حيودهـا
يامرسل وبل الخيال ومحصي وبـل الخيـال=وإليا أومرت قدرتك للمزنه تحـن رعودهـا
سايلك يوم الخلق دونـك لاتسـر ولاتسـال=رحمتك لضاقت عليها اهل اللحـود لحودهـا
تظلني في ساعة مـا للبشـر فيهـا ظـلال=لباح سـدي والجـوارح بيحـت بسدودهـا
شقيت وانسام الهبايب من جنوب ومن شمـال=تومي على الاشجار وإن هبت تميل عودهـا
ذعذاعها ماكنه ألا مسـك مـن دم الغـزال=يجذب كما تجذب موردت العـدود عدودهـا
أحلا من السكر حلا واعذب من العذب الزلال=يغن الكبود إليا قـدرت منـه تبـل كبودهـا
لاهو بصعب نيلها ولاهـي بسهلـة المنـال=تكـود روس ماهقيـت تضدهـا وتكودهـا
من شانها عنيت ما عنيت وارخصت الريـال=محفي قدم رجلي وحالـي بـاذل مجهودهـا
وصلتها وصل الرحوم الي حريص بالوصال=لو يكلفـه حبـل المـوده ويحـداه يرودهـا
فوق ابيض يطو المسافه مثل ماتطو الحبـال=رصاصة نيش الزنـاد وفارقـت عبرودهـا
لقبل ماكنه ألا كريم مـن كريميـن السبـال=ماغيرت في سطوته بيض الليـال وسودهـا
في لازمه يصبر على الشده كما صبر الجمال=مجمـل والميـل فـوق الـي قليـل فودهـا
وكم ليلة عديت مثل الذيب في روس الطوال=ماردنـي عنهـا قديحتـهـا ولا بـارودهـا
ولو دونها درع كما درع الجزيـره باكتمـال=ألله ولا نفـس تعـود ماقضـت مقصودهـا