راع الهوى مستحيل يتـوب=لــو إتغـيـر معاملـتـه
لو مره الوقـت بالمقلـوب=ماشـاف همـه وبهذلتـه
عينه تلد النظر من صـوب=وإن لاح بـراق خايلـتـه
ياقف على الساق والعرقوب=كـن اليتـامـا موكلـتـه
وانا لعبي هوى الرعبـوب=الـي معانـيـه كملـتـه
اطرق على شانها المسحوب=واختار كـل مـا تجازلتـه
واجهد على الخط والمكتوب=لعـل تـاصـل مخيلـتـه
إن جيت أعلمه ماش اسلوب=ضيعت هرجي مـن أولتـه
أحيان أقول الوعد هالنـوب=بقصر لهـا مـا تطاولتـه
وأحيان أقول الحيا مطلـوب=وأروح والهـرج ماقلتـه.