اطوي فجوج الارض وسامر الجيب=عـداد بنزينـه لحـول ... مليتـه
كنه صحيب(ن) من خيار الاصاحيب=ومثل الرفيق إليـا بغيتـه لقيتـه
يصبر على الشده كما شمخ النيـب=ويصبر ليا مني زعلـت وعطيتـه
مسراه في نور القمر...كنه الذيـب=والله مـن ليـل لحالـي سريتـه
لعيون مجمـول البنـي الرعابيـب=الي حوى حسن البشـر كمبليتـه
منزه من قـدرة الله عـن العيـب=ومكمـل فـي زيـن ماقـد رأيتـه
تطلع مطاليـع النجـوم المراقيـب=وتغيب من نور الفضـى لحتريتـه
وانا من ظروفي لو أصد و أغيـب=ألقاه فـي حلـو النبـا لا بكيتـه
في حضرته ما يخطي الظن ويصيب=لاقد هجـى حبـي ولاقـد هجيتـه
أخلاقها قمه...وطيب علـى طيـب=معروفها قـدم العـرب ماكميتـه..
أزورها من باب حـب المواجيـب=من صان ميثاق الوفـى مانسيتـه