إدخــل بقلـبـي يالـغـلا واستـحـلـه=وإبن القواعد في زواياه...تحميك
واسـس جيـوش ودولـة مستقـلـه=تنصرك لاسـاق الجحافـل معاديـك
والي يتضحـك ضحـك ماهـوب لله=قصده يخطط لك بضحكه ويغريـك
كـل ماستوتلـه فرصـة جـاك كـلـه=همـه يبـا يكحـل عيونـك ويعميـك
ينهيـك مـن علـه و يدخـلـك عـلـه=منـظـم هـمــك وجـــدول بـلاويــك
وإن جابلـك عزبتـه مـاهـي جبـلـه=لاتحسـبـنـه صافـطـلـك يقـهـويـك
يسقيـك سمـه وسـط فنـجـال دلــه=والله حسيبـه كـان بـان البـلا فيـك
مغلول ويـوزع علـى النـاس غلـه=صعلوك والعليا ماهـي للصعاليـك
إطلـع كمـا بيـض النجـوم المطلـه=واثبت وجودك يالغلا عنـد مغليـك
انت الهـوى والشـوق دقـه وجلـه=أحياك في بعدك عسـى الله يحييـك
وانت القمـر والنـاس مثـل الاهلـه=مــن لــد عيـنـه مايـمـر متـعـديـك
واكبـر دليـل إن الـحـلا فـيـك كـلـه=كلن يبا يكسـب غرامـك ويرضيـك