البارح السفن تلطمهـا بحـور القصيـد=مابين حذف الظنون وصدمـة الإنتقـاد
فوق أزرق الموج والغزوه عليها بعيـد=والوضع خلا الفتيله عند خشـم الزنـاد
ودام الليالي تعلـم والتجـارب رصيـد=انـا لهـا محتسيهـا والعتـاد العتـاد
ظني تعـود لميناهـا بعـود(ن) حميـد=وإليـا أعـذرت لاتعود...علهـا للنفـاد
إن كان عيت تمانينا علـى الـي نريـد=أهـم شـي علينـا مايضيـع الـمـراد
أخيلها لي شهر واسبوع...ميـر الأكيـد=أبحتزم والتزم وإن طحت كبـوة جـواد
من باب نظرة شمول وعرف من يستفيد؟=أخذت من مجريـات الواقع...الإعتمـاد
ماكل من عيد الاجواد فـي يـوم عيـد=ولاكل عيـد نعـده مـن ليـال العيـاد
ولاكل غافي وعا ولاكـل ميـت شهيـد=أثر الخطا فاكثر العالـم مـن الإجتهـاد
لو عين بقعى تناظـر فالزمـان التليـد=مافصلت لليتامـا مـن ثيـاب الحـداد
ولاحظرت في حجانا كـل جنـي مريـد=ولازينت للنشيط وصار منهـا و غـاد!
جرثومة تنخر العـود وتقـص الحديـد=وإن حولت ماتشـاد ألا عمـود الجـراد
من دونها الزور وظلال الخنا والجحيـد=واللي وراها التغطرس والكبـر والعنـاد
إمـا لقطهـا المحنك...صوتـوا للبليـد=يترك جنيه الذهب في سد بنـك البـلاد