عزالله إني من صواديفي احترت=إلى متى تبقى المشاعر يتيمـه؟
سؤال ذكرني بحاجـه وفكـرت=شرد المعاني من سؤالي مقيمه
إما المحبه روحت مالها كـرت=وألا قلوب الناس راحت عقيمـه
يامجتمعنا طرت مدري تطيـرت=نتايجك في بعض الأنفس وخيمه
كان المصيبه حاصله لتطـورت=يبقى الشموخ بكل دقـه قديمـه
المعذره ياصحابنا لـو تأخـرت=هذا التقدم مالـه أيـات قيمـه
يقتل أحاسيسي ليامـن تأثـرت=وإما عطاني كوع وألا قسيمـه
ببقى على حالي كذا ما تغيـرت=وأهم شي أعيش عيشه كريمـه