بسم الله الرحمن الرحيم
والصلاة والسلام على أشرف الأنبياء والمرسلين سيدنا وحبيبنا محمد وعلى آله وأصحابه أجمعين،،
صلوا على النبي ،،
عن الحال..! لاتنشد عن الحال يافرحان = ويش يكون حال اللي فقد عالي الهامه
فقيدة عرب ماهو فقيدة أهل وأخوان = عليه الشعر يبكي ويستعجل إلهامه
وعليه الشعوب المسلمه تشكي الأحزان = وطنّا الخليج اليوم ينقص بحكامه
تجرعت مر الهم بعد الخبر مابان = مثل من يشوف أخوه ينقاد لأعدامه
عليه الصياح وكثرت الدمع يالإعيان = ماهي مرجّعه جسم(ن) طواه الله بخامه
((عسى قبر إبن عبدالعزيز الملك سلطان = يبرّد عليه وياسع القبر لعظامه))
وتغفر له أذنوبه وتجعلّه يارحمن = بوسط الجنان العاليه تمشي أقدامه
خبر موته أدئ صدمت(ن) ماقواها أنسان = خبر لو يكذب فيه شخص(ن) ماحدّ لامه
عريب النسل من ساس حر(ن) رفيع الشان = مجرّب وطيبه مانعرض عند سوامه
عداه الردا.. والعيب.. والذل والنقصان = وهو مسند اللي وقته العثر منضامه
نحبه وحبه خالط الدم بالشريان = محبة وفاء لأنسان ماخالف إسلامه
كريم العطاء كفه ليامن عطا هتان = وثايق عليها... ماهي حكين بلا قامه
( يموت الكريم ولانسيناه مهما كان = لياعدوا أهل الخير لـلـخير مقدامه )
وعسى الله يطوّل عمر عبدالله وسلمان = ومشعل ونايف وإللي فالشدّه أحزامه
الله يرحم جميع أموات المسلمين ويسكنهم فسيح جناته ..