بسم الله الرحمن الرحيم
السلام وعليكم ورحمه الله وبركاته
هذي مرثيه لـلمرحـــوم خـآلـي :بدر صايل ثويني الحزيم وابنه فواز رحمهم الله ورحم جميع المسلمين
صلوا على النبي
.
.
.
.
نظمت من منتوج الافكار قيفان *** وقفت ادير بيوتها في شطاره.
وفقت انظم من هواجيسي احزان *** ومعيّر(ن) قيفان شعري بعياره
وهموم صدري كنها ضرب فرسان *** شالت وحطت وسط جوفي شراره
علي اللذي قايد علي صف شجعان. *** رجل وضع فوق المراجل مناره
قالوا بدر خالك توفا كحيلان *** خذاه رب الكون واصدر قراره
قلت الله الله يابدر عالي الشان *** عزالله انك يالسنافي خساره
رجل وحقه مايجي دون برهان *** ووقت الشجاعه كنه يشن غاره
والطيب عنده مايجي فيه نقصان *** واليا وقف بالحق يثبت قراره
معه بعد فواز ما مثله انسان *** رجل كريم وفيه طيب ونعاره
ويامْشاري اسمع كلمتي دون نسيان *** امانة اهلك لا تجيك بعياره
لاشك بدعيله من الرب غفران *** خلاق ما بالكون محصي الحجاره
في جنة الفردوس تعطيه بستان *** وذكره يعيش بكل ليل ونهاره
بـ قلمـي
دمتو بود