اليكم احبتي
تعالي لملمي حزنك كفاك اعذار مليتك = وكم مره تعذرتي اللين الصبر مليته
بليا ذنب تهجرني وذنبي كان حبيتك = بتوب الذنب واستغفر مدام الذنب كد جيته
عظيمه كنتي بقلبي وكبرتك وسويتك = وصورتك ملاك انسان ولحن الحب غنيته
عطيتك ماعطاك انسان ولا قد يوم بكيتك = عزيزه دمعتك عندي شموخك شي حسيته
لاني مخلص بحبك على عكسك تماديتك = على اخر طريق الحب ماشيتك وعديته
هقيتك مغرمه فيني مثل مانا تمنيتك = يسهرك الوله دايم وباب الحب دقيته
تهيالي خيالك مر في بالي وحييتك = ولكن حضرتي غلطان وكيف النذل حييته
وسط عيني وحطيتك وسط القلبي وخليتك = ولكن وش يفيد الحب مدام الغير بديته
مدامي اخر الحسبه انا والله نحيتك = عن دروبك نويت ارحل وجرح القلب داويته
بعز النفس وبعدك واذا صدفه تلاقيتك = بصد هناك في عيني مدام الحب خليته
يذكرني ظلام الليل صوتي يوم ناديتك = ووصيتك بقلبي زين وقلبي فيك وصيته
هقيتك تحفظين الدين قلبي يومه أعطيتك = وامنتك على قلبي وبين ايديك حطيته
ابرحل وجمع شتاتي مدامه انهدم بيتك = بداوي جرحي بروحي وباب الحب صكيته