الخاطر اللي سمح .. صعبه تردينه = والخافق اللي خفق .. ما جا لك مخيّر
كل ما تغاضيت عن ذنبك .. تعيدينه = واقول .. يمكن مع الايام تتغيّر
لكن طبعك كذا .. وانتي تحبينه = وانا .. على نيّتي وياك متحيّر
بـ إيديك قلبي .. على كيفك تودينه = ماجا لك الا على صدق الوفا مسيّر
كنت احسبك عاشقه .. والحب تطرينه = في قلبك .. اللي معي من عام متغيّر
ما كنت اظن الجفا .. والكذب تبدينه = بالحب .. والحب نهجه غير يا نويّر
خلاص .. قلبي لا عاد اليوم ترجينه = خليتي الحب .. من غلطاتك صغيّر
اللي تمنيت .. غير اللي تمنينه = واللي وصلتيه .. فكري منه متذيّر