مجبور اخليك يالغالي . توادعني = اليوم يوم الوداع وساعة الفرقا
الله كتب لي على فرقاك . واسمعني = مادام سحب الموادع . جالها برقا
ظروف الايام . عن شوفتك تمنعني = وعيون الاشواق . بدموع الوله غرقا
صبرت . لكن ظروفي ما تطاوعني = ماعدت اعرف اتجاه الغرب والشرقا
الصبر . ماعاد في ذكراك ياسعني = حتى لو اني اهل الدمعه الزرقا
مافيه شي ٍ على مواصلك . يدفعني = غير الغلا اللي حرقني بالهوى حرقا
بحاول انساك . لو ذكراك توجعني = على الفراق ودروبه . ناحت الورقا
مابيك لارحت عن دنياك تتبعني = خل عزة النفس في سلم الهوى ترقا