للمحبين .. عادات وسلوم = وللمحبه .. مفاهيم الغرام
وللقصايد .. تعابير وعلوم = وللدفاتر .. مساحات الكلام
اغلب الوصل .. وصل ٍ مايدوم = واللقى ساعته .. غاية مرام
كيف بنسى .. وهي بالبال دوم = يوم ساقت .. مشاوير الخصام
ترفة الحب .. مايحتاج الوم = عارف ان الجفا .. مسك الختام
ليلة الحب .. تضويها النجوم = تنتشي بس فتره .. والسلام
آه يا قلب .. من بعض الحلوم = خلّت العين .. تسهر ماتنام
كنت داله .. ولا فكّرت يوم = افهم العشق .. من نوح الحمام
كنتي بكوم .. والعالم بكوم = يوم جرّبت حبك .. والهيام
بس بعض الغلا .. ماله لزوم = كان ما شاف منك .. الاهتمام
لو تحسين في ضيق .. وهموم = صار للحب .. تقدير ومقام
ينزف الشعر .. من قلب الكتوم = ويتكلّم .. عن ألسنة الأنام
واصدق الشعر .. في قلوب العموم = له معزّة .. وقيمة .. وأحترام
ترفة الحب .. مايحتاج الوم = اخذي الهجر .. مفهوم الغرام