هواجيس قلبي كـل ليلـه تجـي وتـروح=الايــام جابتـهـا والايــام ودّتـهــا
ادوّر مفارقها وهـي فـي سمـاي تلـوح=ليـا نامـت العالـم تجيـنـي بحزّتـهـا
عسى ماشر الدنيا علـي تمنـع المسمـوح=والارزاق بيـد الله ولاهـيـب دبرتـهـا
تـردى بمطاليبـي ولانـي لهـا مشفـوح=ليـا مـدت الدنـيـا تكافـيـت مدّتـهـا
على قل ما سوت معي بالعطـا مصلـوح=توافيـق رب البيـت ماهـيـب منّتـهـا
عسى الوقت يزعلني ويرضى حبيب الروح=يجينـي نصيبـي مـع نصيبـه بقسوتهـا
ابو خـدود ورديّـه بـلا (ميكبه)مملـوح=ليا ضاعت علومي معـه شفـت وجهتهـا
هو اللي مصبرني ومعطـي حياتـي روح=ولـولاه يالدنـيـا تهـاونـت عيشتـهـا
مثبت غـلاه بوسـط قلبـي دوا وجـروح=عيونـي علـى شانـه تسابـق بدمعتـهـا
فداه العنـا والهـم والهاجـس المفضـوح=وفدتـه الليـال السـود وجفـون بلّتـهـا
مسافر عن الدنيا وهمـي يجـي ويـروح=والارزاق بـيـد ولاهـيـب دبـرتـهـا