The Grammar Class تقوية القواعد من هنا

[الــهــنــوف]

On Sunday, where you are a professor Ghaida

[حمد الجودان]

استاذتي العزيزة يعطيج الف عافيه تقبلي مروي

[غيداء]

اقتباس: المشاركة الأصلية كتبت بواسطة دمعة مجروح    i took my mark in my exam yesterday what do u think?<<عشانك بس شاركت

منوره ياقلبي بس المفروض تشاركين بالافعال اللي منزلتهم مو من عندج عشان اتأكد انج عرفت تحلين

على العموم كنت بحسب لج نقطه لو كان الضمير مكتوب كان لازم بالحرف الكبير جملتج صحيحه وسليمه من ناحية القواعد بس غلط من ناحية انج اخترتي زمن كان ممكن تختارين افضل منه للتعبير عن الموقف والفعل مايستخدم للمعنى المقصود


انتي تقصدين انج خذيتي درجتج ودرجتج مو شيء ملموس بالايد عشان نستخدم الفعل took بس يمكن انتي التبس عليج عشان بالعربي احنا نقولها جذي

وانتي ماخذه درجه يعني شيء مجرد لا يمكن لمسه باليد

يعني لما ابي اقول اني شفت درجتي بالاختبار اقولها جذي

I got my marks

ممكن لو ابي اقول اني خذيت درجه زينه اقول

I have scored good marks

او اذا عندج الدرجه وحابه تقولينها ممكن تستخدمين هالصيغه

I had gotten 68 out of 70

وهالصيغ بزمن الماضي التام بشرحه بعدين بس حبيت اوضح لج الصح


اتمنى تكونين فهمتي علي وبرافو على القواعد يالشيخه

[غيداء]

اقتباس: المشاركة الأصلية كتبت بواسطة الــهــنــوف    مساء الخير الله يعطيج العافية مس غيداء هذي محاولاتي بجم جملة "" he played in club yesterday last Monday , they drove a car very fast Sulfur it burned the School five minutes ago عصرت مخي على هالجمل عسى العوض خير مس غيداء

ما شاء الله عليج حولتي الافعال واستخدمتي ظرف الزمان مثل ما علمتكم


لج ثلاث نقاط على الجمل


برافووو عليج بس اخطاءج كانت باستخدام ال التعريف

بالجمله الاولى كان من الممكن لو كان النادي معروف بعينه تستخدمين the او تستخدمين a لو كان اي نادي مو معروف بعينه بس انه نادي مو بالسكه مثلا او حديقه


بالجمله الثانيه كان الاصح تستخدمين the مو a عشان المعنى المقصود لانهم ساقو سياره محدده بعينها

مو نفس الجمله اللي طافت كان التركيز على انهم مارسو اللعب بنادي مو غيره يعني كان المقصد من الجمله التوضيح على نوعية المكان مو نادي معين
بس جملتج هذي تركيزج على انهم ساقو بسرعه عاليه واستخدمو سياره المفروض انهم يملكونها مو خذوها من السكه مثلا

هالجزئيه مع الممارسه راح تعرفين تميزين بين الكلمات اللي تحتاج تعريف من عدمه وبشنو تعرفينها بthe او a

الجمله الثالثه :ماكان له داعي تستخدمين اسم الجبريت هني لانج حاطه ضمير بيرجع له سواء ذكرتيه او لأ غلط يا تذكرين الضمير يا الكلمهSulfur مايصير اثنينهم

اقتباس: المشاركة الأصلية كتبت بواسطة الــهــنــوف    last Monday ,he played tennes

نقطه

اقتباس: المشاركة الأصلية كتبت بواسطة الــهــنــوف    On Sunday, where you are a professor Ghaida

غلطتي بسؤالج

المفروض where were you miss Ghaida





keep going girl

[عبدالرحمن بن فجري]

اقتباس: المشاركة الأصلية كتبت بواسطة الــهــنــوف    On Sunday, where you are a professor Ghaida

loooooool

professor 3aad :P

hahahahhahahhahahaaaa

tistahal '3aida2

[غيداء]

اقتباس: المشاركة الأصلية كتبت بواسطة سعد الصفينان    he played foot ball yesterday I hope to be a good attempt Thank you for the topic

برافو عليك سعد جملتك سليمه بس ليش فصلت بين foot و ball

ترى اهم كلمه وحده بس مو ثنتين football


نقطه لك ياسعد تستاهل

[غيداء]

اقتباس: المشاركة الأصلية كتبت بواسطة سعد الصفينان    he played foot ball yesterday I hope to be a good attempt Thank you for the topic

نسيت سعد انت بالشكر غلطت لما قلت to be شيلها وحط it is


I hope it is a good attempt

[غيداء]

اقتباس: المشاركة الأصلية كتبت بواسطة عذووووب    i traveled in last year

عذوب ياقلبي ليش ما كتبتي الضمير بالحرف الكبير لانه هالضمير بالذات بكل المواضع بأي جمله لازم كبير مايجي ابدن صغير

جملتج صح بس الغلط فيها الضمير وحاطه حرف الجر in مايصير وماتحتاجينه الجمله بدونه صح


I traveled last year


حاولي وبأذن الله المره الجايه تاخذين نقطه

[غيداء]

اقتباس: المشاركة الأصلية كتبت بواسطة *نورا*    درس حلو وسهل مشالله عليج بتابعج يمكن اتمكن من اللغة النجليزيه بيوم من الايام

نورا شاركي ياقلبي لا تدشين جذي حاولي والكل هني يحاول مافيها شي الواحد يغلط ويتعلم لا تستحين ترى اللي يستحي مايتعلم شي


شاركي ما راح اقبل تدشين وماتشاركين جذي الشباب يغلبون البنات وما اتحمل

[غيداء]

اقتباس: المشاركة الأصلية كتبت بواسطة عبدالرحمن البريكي    thanks all for participating proud of you all and thanks for the english teacher '3aida2 :d

العفو يا عبدالرحمن ما سويت شي منور