مد النظر مايتبعـه كثـر الاطمـاع=يوم الحظيظ اللي يعـرف الحقيقـه
الحق واحد ماله انصـاف واربـاع=واللـي هـداه الله هـداه لطريقـه
ماكل بايـع يربـح السـوق لابـاع=ياكثر من باعوا علـى حـد ضيقـه
وانا خذيت بكيف راسي من القـاع=دربن قليـل اللـي سواتـي يطيقـه
اسـد لاغابـوا قليليـن الاسـنـاع=واشوم عن هرج الصديق بصديقـه
واليا حضر ماجوب مانيـب خـداع=اهـد هـدات الحـرار الطليـقـه
وان عذربوني رحت مانيب جـزاع=تصبر على الشده نفوسـن عشيقـه
ماغير همك ياسبب كـل الاوجـاع=كل ماسرت ضيقه ضوت منك ضيقه
للحيـن ماقابلـت مثلـك ولا شـاع=وللحيـن ماحبيـت غيـرك دقيقـه
للحين في قربك من البعـد طمـاع=وللحين ف عيوني غـلاك الحقيقـه
كنك موصيني علـى قلـب ملتـاع=من كثر مـا حبـك نسـى مايعيقـه
ارجوك قدر مايعيشه مـن اوجـاع=والحق على الخاطر قبل نشف ريقه
ساعة وصل تغني عن اشكال وانواع=وتـرد للقلـب المصـدي بريـقـه
ابيك تسقينـي غـلا حـد الاشبـاع=وتكتب على قلبي العهـود الوثيقـه
وان قلتلي طمـاع بالفعـل طمـاع=الورد ماشبع مـن حـلاه وريحقـه