السلام عليكم ورحمة الله وبركاته
اهديكم هذه القصيده لعلها تنال اعجابكم
.................................
سقت القوافي وجاك وزني امتساوي
وصغت المعاني وناوي اكمل الشوط
ابا تغنا في بيوتي غناوي
وسوق قافٍ بزرق الحبر مخطوط
انا كويتي وعندي داري تساوي
ماي العيون ودم قلبي لها اشطوط
من بعض اعضانا نشوف البلاوي
رجالهم يفرح على شوفت النوط
المصلحة نفسه سريع الخطاوي
وكتاب ربعه بالتواقيع مشخوط
رز القريب ورز منهو يخاوي
واصبح على روس الرجاجيل محطوط
خاب الامل فيهم وذيك الهقاوي
وقانون املنا داخل الدرج مقطوط
باعو وطنا ياعرب كم واوي
وصار الرصيد اليوم بالبنك مضبوط
ياصاحبي زادة عليك الشكاوي
وبانت افعالك وانكشف كل ملقوط
اصبحت تاجر عقب ماكنت شاوي
ومن هالدراهم صار خاطرك مبسوط
يادارنا مانلقى غيرج مداوي
ترى المواطن بالقوانين مضغوط
حنا بروضٍ من الامطار راوي
والصيد واجد لكن الطير مربوط
ياالله انا طالبك للدار تاوي
والمصلحتها يصبح النفط مشفوط
راجيك ياللي تستجيب الدعاوي
تعيش ديرتنا بلا قيد وشروط
وتحميها من حزبٍ على الشر ناوي
وتخفس بهم مخفاس قوم النبي لوط
بعض البشر للكذب والقدر هاوي
يعطيك زادٍ بسود السم مخلوط
.......................
وسلامة الجميع تقبلوا تحياتي
فهد مرزوق العويدان
حنا بروض(ن) من الامطار راوي : والصيد واجد لكن الطير مربوط
( تقرير عن مشاركة مخالفة ) ، و الموجودة أسفل كل مشاركة .