الحب مثل الطير والقلب راعيه
فالصدر مقناصه وفالعين وكره
وأنا غدالي طير من عام أحاتيه
وفي كل يوم أقول أبلقاه بكره
طير الغرام الي خذا قلب مغليه
عليه اسوق الوجد واحب واكره
ياوجد حالي كل ماحل طاريه
وجد اليتيم الي كلا الحزن فكره
يقوم من كثر البكا والمشاريه
ويطيح لاجاته من الحزن سكره
ولا له الا كود يفرك ،، بـ ياديه
لاحس في صدره من الضيق حكره
عليه أجاوب حزن قلبي وأخاويه
من سبّت الي مابقى غير ذكره
الصبح اهذري فيه واليل ساريه
من كثر حبي له ومن كثر مكره
غديت مثل الي فقد من غواليه
وضحاً يساوي زينها 2000 بكره
ولا بقالي غير اهوجس واحاتيه
وان طاف يوم اقول ابلقاه بكره
.