ثمان شهور .. ما عدّت سهاله=على ذكراه واتعبني خياله
يوردني على .. حوض المنيّه=ليامن قاللي صعب ٍ وصاله
وانا ماخنتبه .. ولا نسيته=ولا فكرت في شخص ٍ بداله
اداري كلمتيله .. خوف يزعل=مدارى شايب ٍ لصغر عياله !
حبيبي كان .. ما تبغى وصالي=ترى المقفي محد يرضى وصاله
ابعلّمك .. في شي ٍ حصلّي=ولا تزعل عليّا في مقاله
بعد ما غبت .. جاني شخص غيرك=جميل وكمل الله في جماله !
يقول أتركْه .. وابشر في غلاتي=ترى حالك معه ماهيب حاله
وانا ماني .. بناقص حب ثاني=يكفّي القلب مما منك شاله
حقرته لجل .. عين الحب الاول=هذا ردي على جملة سؤاله
واذا ودّك .. على جمع الحبايب=( بسيطه دز لمحمد رساله ) ؟