جريت صوتي من الضيق وتناهيته
واشعلت جمر القصيد بصوت موالي
أدخل على محادثاته لو تناسيته
وشلون أبمسح محادثته فـ جوالي
لو ينوجد وصل مال " المال مديته
لـ دفع على شان عينه كلْ أموالي
يوم الموادع جبرت القلب و ناديته
وقلت : المحبه : بـ زمنهْ مالها تالي
مدام جاك النصيب " الدرب تدليته
ومكانك الي تركته بـ غيبتك خالي
وقت الجفا حان يا أكثر شخص حبيته
وش حيلتي بالجفا ما للجفا والي
أقفا مع درب .. ما أدله ولا جيته
وأقفيت أردد .. فمان الله يالغالي
الله أكبر " يا جفن الدمع هليته
ما كنت متوقع بـ فرقاه ذا حالي
يا موتري قدمك الشارع وذا بيته
وهذيك غرفته " قربي منه يبرالي
⠀
أدري بـ أن حزني لـ فرقاه وفيته
لاكن ويش العمل لا صار في بالي
لـ : احمد الصفينان