حل الفراق وخاطري ما بعد طاب=فارقت من توه على اول شبابه
عقب العناد وعقب تهديد وطلاب=مشاكله وصلت وكيل النيابه
مشاكلن جت من عريبين الانساب=وجانا كلامن ما حسبنا حسابه
وهذا سوات مفرقت شمل الاحباب=ولا الردا غض النهد ما مشابه
يفز قلبي ليا ذكرته وينصاب=في حال ولا حال يبرى صوابه
حبه يشاد الخمر يسري بالاعصاب=ليا شفه اللي مدمنن في شرابه
عقبه كرهة اهلي وربعي والاصحاب=وايضه كرهة الشعر هو والكتابه
صلاة ربي عد ما هل سكاب=على النبي المصطفى والصحابه
أخوكم : صالح سيف القعمر