29-01-2012, 03:09 AM
|
رقم المشاركة : 1
|
|
دون الكويت اليا انتخت ناخذ الثار /// امن عطتنا الديد وانا ولدها
لتواصل يالله تحفظ اميرنا نسل الاحرار=ابو الكويت وشعبها هو سندها
نور وجودك يا بو ناصر على الدار=تبني كويت العز وحنا عمدها
شعبك وفي وانته لنا الوالد البار=مدتك جزله والمواطن حمدها
انت الامير اللي لك المجد تذكار=يا ابن الشجاع الصيرمي يا سعدها
ياللي كفلت اصغار الايتام وكبار=وامن مسنه تشتكي من جسدها
يهتف علينا خيركم هتف الامطار= وسياستك كل الدول تعتمدها
ارجالها تقدم على واهج النار=ليا ثارت الهيجا تكامل عددها
منهم على المدفع وبالارض مغوار=واصقورهم متفوقه في هددها
محصنه من كل عابث وغدار= وجعل العمى في عين منهو حسدها
بقيادة صباح اميرنا واف الاشبار=سور الكويت وعيال عمه وتدها
وحنا على يمناه اليا صار ما صار= قبايل(ن) بالفعل توفي وعدها
دون الكويت اليا انتخت ناخذ الثار=امن عطتنا الديد وانا ولدها
دارن ربيناها ولا غيرها دار=لنا تمد الجود من كف يدها
حكامها الاجواد تعطف على الجار=وضدن لمن هو بالمشاكل قصدها
صباح سيف(ن) للمعادين بتار=سياسته من مخ راسه عقدها
ايديرها بالري من طيب الافكار=رفع علمها ثم ثبت وتدها
ارحم من ام البيض واقطع من النار=ليا كبرت القالات فكك اعقدها
واختم جوابي عد نضمي بالاشعار=واعداد ما هلت قنوفه بردها
|
|
|