لكم مع التقدير
الا يا الله يامنـزل تبـارك = عظيم الشان تدري بالاوايـل
كريم تغفر وترحـم عبـادك = تساعدني اذا جبت المثايـل
نويت اقول في ربعي كلام = بداية قول لا جبت الحصايل
الا يا ناشـدن عنـا ترانـا = عوازم من هوازن بسلايـل
سلالة عازم الجد الكبيـري = موثق بالكتـب ذات الدلايـل
مواطنا تـرى نجـد العليـه = لنا فيهـا معاركنـا هوايـل
طلال اسمه جبل عالي منيفي = شهد ضرب العوازم والفعايل
شهدها من شهدها بالقبايـل = على الاشراف ثبتنا الفعايـل
ونذكر قصر بسام المسمـى = مع الساقي ضربنا كل عايل
فعايلنـا اذا ثـار المعـادي = يرد جموعهم ضرب الصقايل
عوايدنا وكم بذكـر عوايـد = عيال العود ذربين الخصايل
نزحنا يم شرقـي الجزيـره = مواطنا على مـر الطوايـل
وفيها يشهد التاريـخ منـزل = من السوده رعينا كل خايـل
ابد ما نعيل نحشم كل حـرن = واذا علنا نسفنا كـل عايـل
نعقل كل مجنون (ن) نوانـا = نرده شايلن معـه الفشايـل