[مافيه داعي للحزن دام الحزن اصل الصعاب = ومافيه داعي للانف في دنيتك والبهرجه
ياللي تحسبنك خلقت بغير معدنك التراب = يامالك تاج الغرور اللي جمالك توجه
ياقاطع سبع البحور يالي تهاب وماتهاب = ياراثع فيني وانا مغير اتوبع منهجه
يالعنبو حيك تعبت اسمع ترا كافي عذاب = الي متى حالي معك مغير ادور مخرجه
ان كان حبك من بقايا احلام ووصالك سراب = ابسرجه ذاك الخيال اللي بقلبي بسرجه
لان المشاعر قيمة الانسان واصحابه زهاب = ومن يمتلك مال البشر لابد شي يزعجه
وانا عطيتك خافقي من دون ما احسب حساب = وماهمني بعض البشر في قولهم واللجلجه
استغفر الله في هوى مثلك ترى حالي مصاب = احس روحي بالوله من حالها متحشرجه
فيني زلازل من وله فيني براكين اطراب = فيني هوايل كايده نيرانها متوهجه
اما تجي عندي هنا ولا ذهاب بلا اياب = ترى الفلم بينتهي دامي انا اللي مخرجه
جيتك وانا حالي كسيف مبهذل بسن الشباب = بين الامل جور الزمن وشوق ناره مزعجه
تبي تلاعبني على حبل الرجا والاكتئاب = تبي تسريني على من دون مدري واتجه
تبي تعلقني على شوف المحبه كسراب = تبيني اتبع منهجك ياعل ربي يفرجه
اسمع كلام اللي فطن بالعقل والراي الصواب = في ذمتي ماينفعك ياكود شخص ترافجه
ترى الصديق اللي صدق مايتركك يوم المصاب = ولا الردي وقت السعه ياكثر علم عالجه
والحين اسمع موقفي من بين طيات الخطاب = في ذمتي ذا موقفي مافيه عيب والجه
اما محبتنا تدوم مثل الليالي بالحساب = ولا ترى بابن دخلت اعود لك في خارجه