ارجو ان تحوز على بعض من استحسانكم
قدام والدنيـا امـل والعيـن تنظـر للامـام = خطيتها حبر و ورق والصوت نـادا كالغريـق
اتعبت نفسي بالسهر وليا هجد وقـت الظـلام = قامت معاني خافقي تنظم من العـذب الرقيـق
اخفيتها وسط الحشا والعيـن عيـت لا تنـام = اشفق على حلو الكرا والصدر موطن للحريـق
تايه وقدي خطوتي وضرب من تحـت الحـزام = واكسب بهالدنيا فرح وارجع من الذكرى وضيق
يابنت والدنيا شقا ورعـود وريـاح وعسـام = بحلها وحتالها غصب (ن) وانـا حـر وطليـق
نبي نتحاسب وقفي دامه غـدا بيتـك حطـام = منهو جرح منهو طعن منهو مشى ذاك الطريـق
منهو تخلا للاسف عن صاحبـه وقـت اللـزام = منهو تعلا وافتـرا وانكـر عهـوده للرفيـق
انا الذي كنت اسمعك ويهيـم قلبـي بالغـرام = وليا تكلمتي سكت احـس نشـوات الرحيـق
احسبك بسمه للوفا واحسبك شمعـه للهيـام = وليا اسؤلوني قلت ايه املك بهالدنيـا صديـق
يال الاسف يال الاسف والبيت خليته حطـام = واسدلت مسرح دنيتك وطفيت نورن له بريـق
قفيت اشاهد منظرك قبـل الرحيـل الانهـزام = امكن اشوفك لا بكيت تحس نيـران الحريـق
اشيل ما شال الجمل دام الحمل فـوق السنـام = والله يفـرج ضيقتـي والقـا بهدنيـا رفـيـق
وان كان مره وصدفت حظك يجيب الك وسام = عد الوسام اكبر شرف دامه جعلنـي كالغريـق
وسلامتكم