السلام عليكم ورحمة الله وبركاته
بدون مقدمة
عديت من روس الجبال اصيغ فكره لنـذال = اللي هرج فيني وانا مانيب ناقـص شوشـره
بعلمه علم(ن) يقال وعلم(ن) اخر مـا يقـال = ان الحكي كثـره غثـا وان الغثـا بالثرثـره
شاعر واجمل فكرتي واسج فـي درب الخيـال = لاني بتابع كيت كيـت اقولهـا لـه اشكـره
وقف واخذ راحت نسم وازفر بها كل الهبـال = ترى الجبل ماتقـدره عالـي وصعبـن محـدره
ياللي تبي كلمة نعم وتغط راسـك بالرمـال = ما يستوى غط الرمـال وموقفـك لا تحقـره
دامك تجيب العلم وتودي علوم اهل الخبـال = مانيب ناشد عن مره تنقل علوم(ن) من مـره
صميدعي واشرب من الفنجال عند اهل الحلال = واللي شكرني اشكره واللي حقرنـي احقـره
هذا كلامي واصلك من عند ما تذهل تعـال = وان كان معجبك الحكي بدل عباتك وستـره
ترى يقال ان الحكي خيره علـى ماكـان دال = وانا وصفتلك الحكي وباجتنـب ذا الثرثـره