بــيــوت عـلى الــطايــر 000 الجــزء الــثــاني 000

[غازي المحيلبي]

يعني كذا تقفي وانا منك زعلان=لاجابر ٍ خاطر ولافاعل ٍ شي
خليتني مذنب ومخطي وغلطان=وتركتني لانيب ميـًـت ولاحي

مالي نصيب بحب ترفات الأقدام=حظي كذا والحب ماهو غصيبه

لاتحسبني يوم شفتك تطمـًـنت=بالعكس ياغض النهد زاد شري

يعني كذا بجلس على جال نارين=نار الفراق ونار حب ٍ تركته

ياهون كلمت (( لاء )) لاقلتها لي=وياصعبها في قلب منهو يحبك

كتبت فيك بيوت بوصف جمالك=وفجأه ذكرت أني ماشفتك وهونت

لو تجتمع كل المخاليق ضدك=تبقا حبيبي رغم كل المخاليق

أفرح ليا جاني من الزين مرسال=وضيق لامنه بخل بالمراسيل

شعرك حرير ونظرتك معجبتني=كنك ملك في هيبته وأعتزازه

أضيق من ضيقت حبيبي ليا ضاق=وأفرح ليامنه ضحك وبتسملي

ماكل شي ٍ ياريش العين ينقال=بعض السكوت أبلغ من الهرج كله

حبيت أسلم قلت يمكن نساني=يمكن مع الأيام قلبه تغيـًـر

أخلفت ظني ياريش العين وأقفيت=توني دريت أنك تحب المصالح

حسبت لك حـِـسبه وصارت معي عكس=وهذا الذي ماكنت حاسب حسابه

أعاهدك بلي له العبد محتاج=ماخون حبك دامت النفس حيه

كرامتك عندي على العين والراس=ولاعاش من حاول يزعزع مقامك

أن كان قلبك مايعرف المحبه=حسبي على قلب ٍ يحبك ويغليك

بعض البشر بالحب ياخذ ويعطي=وبعض البشر بالحب حرك وتبلش

مكانتك فالقلب مهما تغيـًـبـت=من غاب عنا ماتغيـًـر مكانه