ياوقت مع همك لفتنـي بلاويـك=وسكرت في وجهي جميع الوسايل
أمن أول ٍ ياوقت ناخـذ ونعطيـك=والحين كلن فيك شاف الهوايـل
حذفتني ياوقت وسـط الشرابيـك=وحمًلتني حمل ٍ من الجور مايـل
أمد لك يمنـاي وتكـف أياديـك=ماكنك إلا مـن عيـال الحمايـل
صحيح ضاعت هقوتي في هقاويك=وأصبحت لاقاصر ولانيب طايـل
لكن لي نفـس ٍ مداهـا يجاريـك=ماتنثني لهـروج قيـل ٍ وقايـل
ولاهمها هرج الخبول الصعاليـك=اللي على الفتنه تشـب الفتايـل
ناس ٍ تبسم لك وهـي ماتدانيـك=وقلوبها من فعـل كفًـك غلايـل
وقت السعه تسمع كلامك وتوحيك=وليا حكت تصهل صهيل الأصايل
وفي ساعة الشده تبيعك وتشريك=أبروق صيف ٍ في خفيف المخايل
لو بضرب الأمثال ياالآدمي فيـك=معـاد يبقـا لـلأوادم مثـايـل
لو بـضرب الأمثال ياالآدمي فيـك /// مـعـاد يـبـقـا لـلأوادم مــثـايـل
( تقرير عن مشاركة مخالفة ) ، و الموجودة أسفل كل مشاركة .