جيتك على وضح النقـا لا تكابـر=رد السلام أن جيت يمـك وسلمـت
سليت سيفك وأنت طرقي وعابـر=ماتدري أنك في شعوري تحكمـت
أعلنت لـك حبـي بكـل المنابـر=وأرسلت لك شوقي وأنا ماتكلمـت
مرت ثلاث شهور ساكت وصابـر=ومن شان حبك شلت ما لا تحملت
والحين في وجهي تسـد المعابـر=وليا نشدتك فـي جوابـك تكتمـت
الحـب مايدفـن بوسـط المقابـر=ذكراه مثل الروح تبقا ولـو مـت
هذي حقيقة وأنت تـدري وخابـر=ولا فيه داعي تاخذك حكمت الصمت
وأن كان تبغا تروح مرواح جابـر=عطني حقوقي كلهـا لـو تكرمـت
مــرواح جــابــر ,,,,,!!
( تقرير عن مشاركة مخالفة ) ، و الموجودة أسفل كل مشاركة .