دن القلم وأكتب على الطرس مبداي=من هاجس ٍ ماقط عن ماقفه هس
ودي أترجم ماحصل أمس وياي=مع واحدن هـيـًـض شعوري وأنا عمس
ولا هوب لا زم تعرف الناس معناي=يمكن يجي واضح ويمكن يجي دس
أنا على درب المناعير ممشاي=ومما جرى يامسندي ماخذن درس
الناس ماتشره على تايه الراي=حتيش لو أنه يمس الشنب مس
تشره على العاقل ليا صار زراي=واللي ليا واعد رجال الوفا نس
ولي ماهمه غير بعدي وفرقاي=ماهمني لو يعبد النار والشمس
ولا ني من اللي في قفا الناس حكاي=جالس وحيد ويضرب الخمس بالخمس
أرفع مقامي وأحسب الدرب بخطاي=وصد عن ناسن يجي هرجها همس
ولا أحب أزيد الهرج ويطول مسراي=لي هاجسن لازاد هرجي يجي شرس
ماهوب لازم تعرف الناس معناي // يمكن يجي واضح ويمكن يجي دس
( تقرير عن مشاركة مخالفة ) ، و الموجودة أسفل كل مشاركة .