الحب لو أنه يترجم علـى النـاس=تبلش فلاسفت البشر فـي معانيـه
لنًه من الله يدخل القلـب بحسـاس=وترسي على كل المشاعر مبانيـه
واللي يقول الحب له وقت وقيـاس=ويمكن مع الايام تمحـى مواريـه
هذاك ماجرب هوى ضبي الأطعاس=ولاذاق مر الحب من شـان حاليـه
راع الهوى يسرح ليا هب نسنـاس=ويحس بهموم العـرب كنهـا فيـه
أقولها وانا مـن الحـب محتـاس=مع واحد ٍ سلمت روحـي بياديـه
بنيت له فالقلب قصر ٍ من المـاس=وصخرت له حب ٍ من الشوق مغليه
أحس حبي له مع الناس نومـاس=أحب من حبـه وعـادي معاديـه
ويالايمي خلك على روس الامواس=تراك ماتشـره ولا لـك مشاريـه
ماتدري أن الحب يجري بالأنفـاس=ويصعب على الأنسان لو صد يخفيه
الـحـب لـو أنـه يـتـرجــم عـلـى الـنـاس ..!!
( تقرير عن مشاركة مخالفة ) ، و الموجودة أسفل كل مشاركة .