قصيدة احمد الخياط وردى عليه

[مرزوق الصواغ]

قصيده ارسلها الى احمد الخياط
تاريخ 28/10/ر1998

يافيصل الزعال وان جيت مرزوق= وصل سلامى له يافيصل وقله


قله ترى نور القمر ساطعن فوق= كانه يعد انجومه المستقله
يومن لقينا العلم والعلم موثوق= لو كان غيري يجهله فاطن له
لوقلت مايطري على البال مخلوق= الوقت عيه وخاطرك ماحصله
فكيت لك صندوق وسكرة صندوق= والوقت عدن راح غيرك يعله
او كان لك حقين له خمسة احقوف= كل شي فى حله حلاته ابحله
الادمى من دم واعصاب واعروق= له عين بالظلما طريقه يدله
شفت الجمال السود مع ساقة النوق= عقب العصر مرواحهن روحن له
جمالها لمراحها ساقها سوق= بالليل مشروبه زقاره ودله
خبلن لياشفته من العقل مسروق= بالصبح له مله وبالليل له مله
لو شفتهن عن طردها واقفن عوق= والسيف ماتقدر عليهن تسله
من اولن طرادها وصرت ملحوق= عينك عليها والحشا فيه عله
خل الجدر وام اللحم فيه محروق= لايلحقك منى ثمانين زله
هيض مشاعر خافقن هزه الشوق= اللى لقينا صورته بالمجله
لاتخايل البراق يالاحت ابروق= يرقن مصدن عنك بالله خله
خل البضاعه دامها داخل السوق= جلابها سوق البلد عادة له
شفت العنب لاشك ماصار لك ذوق= يقول حامض واحدن ماحصله
عب الله بريكان مع جاسم الروق= كلن على رايه ترى جايزله
بين الثنين الراي محفظ ويلوق= ان كثلرت الاريا عطتك الادله
حدر النخل من فوقهم مالت اعثوق= والكل منهم حاسبن حسبت له
جتهم على غفله عواصيف وغروق= واهوى عليهم واحد العثق تله
وانا على دربن وطيتو مشفوق= عقب البطا جانى وانا مرسل له
يومن لقيته صار به نشفت احلوق= احدن غزا واحدن غدا فيه ذله
ثم طاحت اعصابه بعد كان محموق= حبلن عقده العام قمنا نفله
منه كسبت الحق طابق ومطبوق= محدن يلوم اللى سعى بحاجتله
فى ليلة ياصاحبي والهو دوق= العنبر الصافى بكفه يزله
برفوق زله يابن الاجواد برفوق= عطار والعطار ذى مهنتله
مع نادرن بالراي ماهوب مطفوق= مجربن وقته دقافه وجله
وليا تعبنا وطلت الشمس بشروق= عن لاهب الرمضا قعدنا بظله
عساك ياهايم من الغفله اتفوق= اصح ترى ليلك تعداك كله
والسود جتها بيض والدرب مطروق= واللى رحل غيره وطا منزل له
لاتحسب انك سابقن صرت مسبوق= وقف قدم رجلك وهذا محله
العاقل اللى بالعقل باله يروق= يلقى سليب العقل عنده دوله
الله خلق خلقه وفى خلقه افروق= ولااحدن لقا ياصاحبي منوة اله
تبقى حكيم الراي والسد مغلوق= وليا ذن المذن قم الفرض صله

ردى على احمد الخياط تاريخ 30/10/1998

يامرحبا ترحيب عاشق لمعشوق= ترحيبة الولهان فى شوف خله
يامرحبا والهيل والبن مدقوق= فى دلتن صفرا لشحصك نزله
يالله عسا الخياط ماهوب مرهوق= اشوف هاجوسه سرابه وشله
صحيح جبت العلم فى زين منطوق= رايك حكيم وصاحبك عارف له
يبقى القمر ساطع وغير به افتوق= ونجمن تشوفه يافتى خاضع له
وانت تفك احبالها فوق شاهوق= رمحك معك واللى يجى واقف له
كلن يتله تالى الوقت ناتوق= يوم الليالى عاكسن ماصفا له
مره يجى غالب ومرات مطقوق= وان طاب وقته بالسعد قال فله
ماشوف لى حقن ولوكنت مفلوق= الحق ضايع والزمن سامح له
اشوف قلبك يااحمد اليوم منتوق= مدري ويش اللى هالسنه نازح له
خابرك حرا لانطلق مابه اسبوق= وان هد مايرجع على ماكر له
تبي تبوق الوقت والوقت مبيوق= يعل عينك دمعها ماتهله
شوف الجمال افرح بها وانت مدروق= تسري بك انياقك وروحك مغله
جمالها ماحط من دونها طوق= تارد على عدا سريعن مدله
روضى جديد ونابتن فيه زملوق= والا انت روضك سحبها ماتبله
عشيت لى خبلن من الهم مزنوق= وجلست انا وياه فى منزل له
بينى وبينه صافى الود مدفوق= وليا ومرنى مرحبا زاهب له
منه ارتوى قلبي عقب مار توى الموق= مدهالنا دايم وانا مدهلله
وترى محاصبلى لها ساس واعموق= وصوت الحمام الراعبي ساجع له
وجدرن كشفنا اغطا بالامس محيوق =غيري تعشا منه ماجيه لله
مانى على الفضله ولاانى اممحوق= عقلي سليم ولاابي اليوم خله
والثوب مايلبس لياصار مشقوق= وكلن على ماقيل يتبع هوى له
وانا غرامى بالهوى شوف غرنوق= اللى تكمن وسط جوفى وحله
غرون بصم حبه على دم معلوق= هز الخفوق وكل عمري فدى له
ولاذوق زادن قلبنا كان مذيوق= والذيب يالخياط ذى سهمة له
والمزح له عندى تشاكيل ورنوق= ولا تكبر الموضوع مامن اشكله
وان كان قلبك يابيض الوجه معتوق= مازعزعه غصن الهوى ابماضيله
معذور لو قولك مهجن وملفوق= قلتا غشيم الحب فى فايت له
لاشك جرناسن على صدره ادقوق= مانلحقك والشمس فوقك امطله
حبن قديمن خابره فيك ملزوق= مبروك كانك هالسنه عايد له
واللى زرق عن معبر الدرب مزروق= ياسيدى ياستاد جتكم امهله
ولاانى بحرف العين والجيم مرفوق= =كلن زمانه يارجل شاهد له
كلن اله تعبير والراي مصفوق= وخيطن نخيطه عارفينن مشله
وعطر الهوى ياصاحبي ذاك منشوق= ومن ذاق لذات الهوى جنة له
والبيض حالت دونها السود بالبوق= ضاعت جميع اصنافها المستدله
تمت وجاك الرد ماهو مفهوق= من شاعرن درب الشعر منهج له