يومين مرن مـدري شلـون مـرن=في غيبتك عني وهن بـس يوميـن
يومينـك اللـي غبتهـن مايطـرن=أليا طرن لي قلت جعـل الله يعيـن
هذا وهـن يوميـن لـو استمـرن=الله وكيلك صار(ن) بعمري سنيـن
أنـا أذكـر أنـي قلتلـك مايضـرن=يبي يمرنـي مثـل رمشـت العيـن
تقولـي وأقـول ياعيـون حــرن=راعيه دونـه مايحسـب الملاييـن
يوم الحرار بسـوق غيـره يشـرن=ويهدن على شيوخ وملوك وسلاطين
أبيض نحر منـه الدواغـر تفـرن=عوق الخريش أليا كفخت بالجناحين
طلاع لحاق(ن) على الخرب شـرن=أذا ضـرب يقسـم ثناديـه نصيـن
ثـم طلـع يـوم الحبـاري تـذرن=في خايع(ن) عشبه شبيه البساتيـن
وأطلق سبوقه وأكفخـن ثـم فـرن=عنهم حوالـي بالمسافـات ميليـن
طلعه بعيـد وعـن نظرهـم تـورن=في وسط من سولف علي حول ثنتين
هو أرتفع وهن عن الطيـر جـرن=وتغيـرن هقواتـهـم والمـوازيـن
توجهـن للحـد ثــم أستـقـرن=وقطن بعد مطيارهـن بيـن حديـن
والليل ممسـي والهقـاوي يغـرن=والقاع ممطـوره وبطرافهـا طيـن
والوضع سيء والنفـوس يتحـرن=في وقتها ماتـدري السالفـه ويـن
لو تسمع شلـون العـزاوي يجـرن=من سايق الموتر وكـل المخاويـن
ثم(ن) كفخله جمـس تـوه امـرن=حجم المكينـه أربعميـه وخمسيـن
وأرهـا علـى بساتنـه ليـن درن=وماعاد تسمع غير صوت القزوزين
وماتسمع ألا راعـي الطيـر مـرن=يقـول تكفـى يازبـون المخلـيـن
يوجهـه حيثـه بفعـلـه امــرن=يمين يامال الشحـم دربـك يميـن
وعطاه حتى انه وقع فـي احفـرن=تكسـرن بأسبابـهـن الذراعـيـن
وكثر عليه من النمـر ليـن قـرن=ولاعاد يقبـل لا ثلاثـه ولا ثنيـن
والطيـر روّح والهقـاوي تـبـرن=لاقربـن غايـه ولاوفـن الـديـن
أنـا وراع الطيـر بحـرن وبـرن=ضاقـت علينـا ونتطلـع لبعـديـن
أوضاعنـا وأحوالـنـا مايـسـرن=والكـل منـا فاقـدلـه عزيـزيـن